Escapadas en Veleiro desde Coruña.

¡ Navega todo o ano !

Pequenas travesías con escusas variopintas... ou simplemente sen escusas

Que pasaría se unísemos gastronomía e vela? Podería ocorrer que nos inventásemos as mini-travesías gastrovélicas: centoleiras, polbeiras, percebeiras...

E se pensamos en lume e mar? Poderiamos pasar a noite de San Xoan navegando pola ría e observando as fogueiras da praia desde o mar.

E que vos parecería participar nunha regata sen o stress da competición, só có loable obxectivo de pasar un bo intre navegando entre outros barcos, porque gañar nin nolo planteamos?

E facer lema da frase atribuída a Pompeyo por Plutarco " navigare necesse est, vivere non necesse" (navegar é necesario, vivir non o é; traducímolo para os que suspendiades latín); pequenas escapadas de tres ou catro horas para navegar polo pracer de navegar, de romper a rutina, de desconectar do cotidiano, de recuperar os vínculos coa natureza, co mar, co vento...

Estas e outras propostas as iremos encaixando no calendario que vos enviaremos por mail en función das previsións meteorolóxicas a curto prazo.

Só tedes que envíarnos un e-mail co texto:

"interesados nas escapadas en veleiro"

e manterémosvos informados das escapadas e actividades que vaiamos programando mes a mes.